講心唔講金？ 選擇篇

人生如何，在乎怎樣選擇。
當要選擇的時候，你會依據什麼來決定？
當然是自己的心意！… 真的嗎？

某天於茶餐廳內：

C君：今日好肚餓，叫個貴D先！

Akira：(我心諗…貴一定飽D?)

… few minutes later …

C君：尋日我去咗間特價店買花樽，好抵， 我買咗六個？

Akira：六個？你屋企平時插好多花？

C君：唔係，有時插下花，不過買六個會再有折扣。

Akira：哦，你全部都好鐘意？

C君：麻麻地，不過便宜。

認為越肚餓就需要越貴的午餐！問問自己，認真想食這個？
認為有折扣，買六個花樽！問問自己，認真想要？

當然他有可能真的想食，真的想要。
但人有時會被某些框𣕧、某些固有信念(執念)左右自己的選擇。
甚至覺得自己別無他選！

一個真實例子：

一位外國男士，已婚，有一孩子，太太及孩子三人住在社區中，由於某些原因，太太酗酒，更暴力對兒子。雖然已勸喻太太多次，但沒有改變。這事情對這位外國男困擾多年，多次想與太太分開，但他愛太太，又想到孩子還年輕，需要母親照顧，而離婚需要與家人交代，也不知朋友們的反應。而他是一位虔誠的教徒，離婚是不被允許，否則會被教會、教徒批評，更會被左鄰右里、甚至社區中被排斥(外國的社區鄰里的關係比較密切)。從而影響自己事業及兒子的身心發展。想到這裏他就放棄了與太太離婚的念頭，因為認為自己「無得揀」。結果這狀況維持接近10年多。

多年後，問題情況並未有改變，外國男始終決定與太太離婚。孩子長大，為父親終於能決定表示高興，而當他家人和朋友知道，反應並未如外國男預期激烈，只表現親切關懷。其教會及教徒亦並未有因為他離婚而作出批評、排斥，左鄰右里也是如此！最後更再婚，與新任太太及兒子幸福地生活。

某些信念會令人作出忽略內心感受的選擇。甚至令人覺得別無選擇，從而覺得事事不如意，生活不愉快。

以上純屬例子，希望各位生活美滿，夫妻恩愛，共享天倫！

當放下某些執念，便能發現原來能選擇的比想像中多！

有學生曾問我：

學生：點解要靜心、放鬆、問內心？跟隨世界走咪可以囉，乜都係習慣啫，個個人都係咁生存！

Akira ：咁你點解跟我學催眠？

學生：因為我想學多樣野？

Akira ：咁點解你想學多樣野？

學生：有時間咪學多樣野囉。

Akira ：咁點解？

學生：… 唔 … (諗左好耐… )

Akira ： … 有可能想豐富自己的知識；可能想學完幫助朋友；可能想識多一樣嘢；可能想純粹表現自己；可能想純粹為興趣；可能想想深入了解自己，了解催眠；可能想唔想成人俾人話乜都唔識；可能想得閒冇嘢做攝時間；可能想覺得有用所以去學；可能想陪朋友二人報名便宜一些…無論什麼原因，你都希望自己學有所成， 令自己有更多新方法或方式，使人生更開心更愉快更豐盛，我估你唔會因為想越學越無奈、越學越沮喪、先黎學催眠呱！(其實的確有，關乎人的自我接受，暫不多講)

學生：咁又係！

Akira ：既然想更開心更愉快更豐盛，係咪先要知道乜嘢對你嚟講係開心、愉快、豐盛。

Akira ：所以靜心、放鬆、打破某些信念，向內心探索，作出適合自己的選擇，用適合的方式，才能令自己更幸福。

如對以上內容有任何問題、意見或想法，歡迎隨時聯絡我們。

 

Akira Cheung, PhD, CH, CHLC, RMT
HARMONIC HK 香港夢之力

www.HHC.com.hk
Whatsapp/Tel: (852) 65165161
WeChat ID: harmonic_hk
email: hhc@hhc.com.hk

#講心唔講金？ 選擇篇 #香港夢之力 #HARMONIC HK #HARMONIC HOLISTIC HEALING CENTRE #夢之力催眠及綜合療癒中心 #HHC #HARMONIC HOLISTIC TRAINING CENTRE #夢之力催眠及綜合療癒培訓中心 #身心靈 #靜坐 #冥想